Një aksident tragjik me pasojë vdekjen e një të riu shqiptar ka ndodhur paraditen e së shtunës në Sarnico të Italisë. Dy makina janë përplasur kokë më kokë rreth orës 11:30, në një rrugë pranë një liqeni. Mediat italiane raportojnë se 21-vjeçari i cili banonte në Bergamo, ndodhej në një makinë të zezë të tipit Citroen C2.
Makina e 21-vjeçarit nga Durrësi Romario Verjoni, u përplas me një Skoda që udhëtonte në drejtim të kundërt (nga Predore në drejtim të Sarnico), ku e drejtonte një 63 vjeçar, dhe me të ishin dhe prindërit e tij të dy të moshuar, respektivisht 90 dhe 87 vjeç, shkruan giornaledibrescia.it.
Sipas Corriere.it nga aksidenti kanë mbetur të plagosur rëndë edhe 3 italianë, 89, 87 dhe 63 vjeç, respektivisht babë, nënë e bir. Emri i shqiptarit që humbi jetën nuk bëhet i ditur, teksa karabinierët po hetojnë rreth shkaqeve të aksidentit.
