Princ Dobroshi është nga Kosova, i identifikuar si bos i krimit, dikur shumë aktiv në Evropë, sidomos gjatë vitet 1990 i cili merrej me trafik droge dhe kontrabandë armësh. Që nga viti 2006 ai jeton në Kosovë.
Në vitin 1993 ai u arrestua në Norvegji dhe u dënua me 14 vjet burg për trafik të heroinës, gjithashtu ishte i akuzuar në Suedi dhe Danimarkë.
Në një operacion të koordinuar mirë, ai u arratis nga burgu Ullersmo në vitin 1997.
Pas arratisjes nga burgu në Norvegji veprimtarinë e tij kriminale e vazhdoi në Republikën Çeke, ku grupi i tij shpejt dominoi trafikun e drogës.
Më 23 shkurt 1999 ai u arrestua përsëri, por këtë herë në kryeqytetin Çekisë, në Pragë.
Me 6 shtator 2000, ai ishte marrë në pyetje nga gjykata në burgun e rrethinës Ringerike, për shkak të sigurisë se lartë.
Por intervistat u anuluan për shkak të autobusit që mbante anëtarët e gjykatës, i cili pësoi aksident, u përplas me një kamion, ku mbeten të vdekur 3 anëtarët e saj.
Në gusht 1999 Dobroshi u ekstradua në Norvegji për të përfunduar dënimin e tij.
Ai u lirua me kusht për “sjellje të mirë” në janar 2005. Ai pastaj u kthye në Republikën Çeke dhe qëndroi atje për tre muaj deri sa skadoi viza e tij. Më vonë, ai u kthye në Pejë, Kosovë.
Ai kishte pranuar se kishte miqësi me Arfan Qadeer Bhatti, i cili u arrestua në Norvegji me akuzën e planifikimit të terrorizmit të ambasadave izraelite dhe amerikane në Oslo, Norvegji.
Që nga shtatori 2006, ai jetonte në Kosovë, ndërsa gruaja e tij shqiptare dhe dy fëmijët e tyre jetonin në Pragë.
Ndërsa dje, Policia e Kosovës përmes një komunikate lajmëroi arrestimin e tij, i cili ishte bërë për shkak të një përleshje në qytetin e Pejës dhe për armëmbajtje pa leje. Dobroshit, po ashtu, i ishte ndaluar hyrja në vendet e Bashkimit Evropian. /Express
