Një ngjarje e rëndë ka ndodhur brenda komisariatit të Fierit, ku një punonjës policie ka vrarë veten. Ngjarja e rëndë ndodhi sot. Mësohet se inspektori i policisë që i dha fund jetës është nga Semani dhe është identifikuar si shtetasi Kastriot Fafa, 46-vjeç.
Nga informacionet paraprake dyshohet se 46-vjeçari, Kastriot Fafaj, nuk ka përballuar dot ndryshimet që ishin bërë së fundmi me urdhër nga lart, ku mësohet se atë e kishin hequr si inspektor të zonës së Semanit dhe e kishin emëruar si polic me patrullën e Përgjithshme të Rendit. Ky dyshohet të jetë edhe shkaku i vetëvrasjes se policit. Ndërkohë policia ka nisur hetimet për zbardhjen e plotë të ngjarjes.
Informacion paraprak
Në datën 24.04.2018, pasi ka mbaruar shërbimin, ka vrarë veten me armën e shërbimit Oficeri i Patrullës së Përgjithshme të Rendit, shtetasi K.F, 46 vjeç, banues në fshatin Seman, Fier.
Grupi hetimor po punon për zbardhjen e plotë të ngjarjes.
