Ish-Kryeministri Sali Berisha tha në ‘Opinion’ se Azem Hajdari u nxor në pritë nga Fatos Klosi, në atë kohë kreu i Shërbimit Informativ Shtetëror.
Sipas Berishës, kjo ishte një kurth, pasi Klosi kishte marrë në telefon një militant të PD, për t’i thënë Hajdarit që të dilte.
Ai u shpreh se kishte një radio të Shërbimit Informativ, në makinën nga e cila dolën vrasësit.
Sali Berisha: ”Në pritë po të më pyesësh mua, e nxori Fatos Klosi. Ishte kurth. Në deklaratën time është thënë personi i cili më erdhi në zyrë dhe më tha: Unë e vrava Azem Hajdarin. Jo më i thashë, çfarë flet. Ishte i shfazuar… Sepse kështu më ndodhi tha, më mori në telefon filani më tha thuaji Azemit që është një makinë, diku aty.
Po mirë i thashë unë, nuk ke vrarë ti… ai ishte i tronditur. Ky ishte një militant i PD. Aty kuptova, që kurthin e tillë e organizoi, e serviri Shërbimi. Kishte një radio të Shërbimit Informativ, në makinën nga e cila dolën vrasësit’‘, tha ish-kryeministri.
