Siç duket, prishja e Teatrit Kombëtar gjeti të papërgatitur opozitën. Më herët, Basha dhe Kryemadhi ishin shprehur se për asnjë arsye, nuk do të lejonin fadromat që të kryenin këtë akt.
Partitë e opozitës e kishin vendosur me rotacion që të bënin dezhurnin për mbrojtjen e Teatrit. Kur Teatri u hodh në erë, në atë orar ishte një numër i reduktuar qytetarësh.
Kjo çështje ka shkaktuar debate në mbledhjen e aleatëve të zhvilluar në selinë e PD-së.
Në përgjigje të gazetarëve, Kryemadhi ka deklaruar se “në mbledhjen e aleatëve është diskutuar pikërisht për këtë çështje”.
“LSI, unë isha të premten, kishte dezhurnin LSI. Ditën e shtunë kush e kishte dezhurnin? Pyesni këta të aleancës të shoqërisë civile”, deklaroi Kryemadhi.
