Kryeministri Edi Rama tha sonte se lajmet e publikuara në media nuk janë të vërteta. Me anë të një statusi në rrjetin social “Facebook”, Rama deklaron se nuk është i vërtetë lajmi se ka ndryshuar qëndrim për kapjen e 613 kg kokainë në Durrës.
Pjesa më e madhe e mediave duke iu referuar një interviste të publikuar dje ne median gjermane, “Die Welt” shkruajnë se Rama ka ndryshuar qëndrim në lidhje me sekuestrimin e kokainës.
Në median gjermane, “Die Welt” Rama, teksa ka vlerësuar arritjen e qeverisë në luftën me kanabisin dhe aksioni për kapjen e kokainës rekord u bë në bashkëpunim me italianet.
“Dy javë më parë, sekuestruam 600 kilogramë kokainë në bashkëpunim me autoritetet italiane. Cili ishte reagimi? Nëse sekuestrohen 600 kilogramë, atëherë duhet të ketë shumë më shumë se aq.”Shikoni numrat që vijnë nga Roterdami apo Hamburgu dhe porte të tjera. Nëse diçka sekuestrohet këtu, nuk do të thotë që ne jemi qendra. Për çdo trafikant droge shqiptar të arrestuar, ne gjejmë qindra numra me kode ndërkombëtare në telefonat e tyre”- ka thënë Rama në intervistë.
Ndërkohë sonte Rama e ka mohuar këtë lajm duke thënë se nuk është e vërtetë ajo që është publikuar dhe thuhet në median shqiptare. Kryeministri i mbetet qëndrimit që ka mbajtur sapo u arrestua sasia e drogës. Rama thotë “E vërteta është vetëm një, 613kg kokainë janë kapur pa asnjë bashkëpunim ndërkombëtar”!
Kujtojmë se fill pas aksionit, ishte kryeministri qe deklaroi se “fakti që ky operacion është zhvilluar i gjithi në territorin e vendit, pa asnjë sinjalizim nga vendet evropiane ku ngarkesa ka udhëtuar përpara se sa të hynte në portin e Durrësit, ka domethënien e rëndësishme të forcës ligjzbatuese që disponojmë sot”.
Kujtojmë që pasi u kap sasia e drogës, çështja se kush e sekuestroi nuk kaloi pa debat një lloj “përplasjeje” me Ramës me ministrin e Brendshëm, Xhafaj, lidhur me autorësinë e aksionit te madh.
“Nisur nga intervista ime për “Die Welt”(s’e kam idenë nëse saktësisht a jo, se nuk e kam lexuar versionin gjermanisht)qenka bërë lajm shqip se paskam ndryshuar qëndrim! E pavërtetë! Sepse e vërteta është vetëm një: 613kg kokainë janë kapur pa asnjë bashkëpunim ndërkombëtar! Kaq” shkruan Rama sonte në Facebook.
