Kreu i Lëvizjes Vetëvendosje, Albin Kurti ka deklaruar se asnjë paqe e qëndrueshme s’mund të arrihet për sa kohë që Serbia fsheh varret masive të shqiptarëve të vrarë dhe rrëmbyer.
Kjo deklaratë e Kurtit erdhi si reagim ndaj asaj të politikanit serb, Nenad Çanak dhënë së fundmi në lidhje me varrezat masive të shqiptarëve të vrarë nga regjimi serb në luftën e fundit në Kosovë.
Kurti shton se familjet në Kosovë janë duke i kërkuar ende më të dashurit e tyre, duke shpresuar se ata mund të gjenden një ditë.
“Në një debat televiziv të Serbisë, Nenad Çanak thotë se kur ministri i Policisë, Dusko Mihajloviq thotë s’mund të fle “më duhet ta ndajë këtë me ju. Ne kemi gjetur 16 varre masive në Serbi”. Familjet në Kosovë po kërkojnë ende për më të dashurit e tyre, duke shpresuar se ata mund të gjinden një ditë. Asnjë paqe e qëndrueshme s’mund të arrihet përderisa Serbia fsheh varret masive të shqiptarëve që ata rrëmbyen dhe ekzekutuan”, shkruan Kurti në Twitter.
1. In a Serbian TV debate, Nenad Čanak says “I think you were there Čedo (@Ceda_Jovanovic) when the Minister of Police, Duško Mihajlović, said, ‘I cannot sleep. I have to share this with you. We found 16 mass graves in Serbia.’”
— Albin Kurti (@albinkurti) October 10, 2020
