Ushtruesja e detyrës së Presidentes në Kosovë, Vjosa Osmani caktoi 14 shkurtin si datën e zgjedhjeve të parakohshme parlamentare.
Lidhur me këtë, ka reaguar lideri i Lëvizjes Vetëvendosje, Albin Kurti.
Sipas tij, këto zgjedhje nuk janë të parakohshme por të vonuara, ndaj dhe më 14 shkurt politika e keqe ndodhet para gjyqit popullor.
Ai shprehet se qeveria e Avdullah Hotit, ishte kot, pasi ishte e paligjshme dhe jokushtetuese.
”Pas shtatë muajve na u dëshmua ajo që dihej nga fillimi. Zgjedhja e qeverisë koti ka qenë kot. Zgjedhje e paligjshme, jokushtetuese. Kemi humbur shumë vite, jo vetëm muaj. Këto zgjedhje nuk janë të parakohshme por të vonuara. Mirëpo, këto zgjedhje janë referendum. Me 14 shkurt politika e keqe ndodhet para gjyqit popullor.
Punë e arsim, drejtësi e shëndetësi. Kaq duan qytetarët. Qeveria jonë e re do të jetë shërbim i mirë. Sepse qytetari është mbreti i republikës. Me 14 shkurt, festën e zemrës e bëjmë edhe kremte të demokracisë.’’, shkruan Kurti në rrjetin social, Facebook.
