Kurdët prej ditësh janë sulmuar nga forcat ushtarake turke, ndërkohë së fundmi ka reaguar qeveria siriane. Kjo e fundit u ka dalë në mbrojtje kurdëve. Kujtojmë se 4 ditë më parë forcat turke iniciuan një aksion ushtarak kundër kurdëve në veri të Sirisë, pasi të gjitha forcat amerikane u tërhoqën. Qeveria turke i konsideron kurdët në Siri si terroristë që kanë qëllime dashakeqëse ndaj Turqisë.
“Për të parandaluar dhe bllokuar këtë sulm, është arritur marrëveshje me qeverinë siriane, detyra e së cilës është të mbrojë kufijtë dhe sovranitetin sirian. Ushtria siriane do të ndërhyjë përgjatë gjatësisë së kufirit sirian-turk”, ka deklaruar një zyrtar kurd. Ky i fundit në një deklaratë zyrtare ka pohuar se forcat siriane pas dy ditëve do të jenë të mirë-pozicionuara përgjatë kufirit. /TIRANA TODAY
