Opozita e Hungarisë shënoi fitoren e saj më të madhe zgjedhore në një dekadë, ku Gergely Karacsony rrëzoi kryetarin e partisë në pushtet, Istvan Tarlos si kryetar i Budapestit. Mësohet po kështu se partitë opozitare kanë fituar edhe në qytete të tjera të mëdha. Duke iu referuar “Reuters”, rezultati nuk do të ndikojë në kontrollimin e pushtetit nga kryeministri Viktor Orban, pasi kabineti i tij është bashkuar nga një ekonomi e fortë, retorikë e ashpër dhe nga rritja e pagave. Partia e tij qeverisëse Fidesz mbetet jashtëzakonisht e popullarizuar në zonat rurale.
Zgjedhjet e përgjithshme në Hungari pritet të mbahen në vitin 2022, dhe Orban, i cili u ngrit në pushtet në vitin 2010, ka shumicën në Parlament.
Me numërimin e 81.6% të votave, Karacsony kishte 50.6% mbështetje krahasuar me 44.3% për Tarlos, sipas të dhënave në faqen e internetit të Zyrës Kombëtare të Zgjedhjeve.