Një pjesë e mirë e Shqipërisë sot është nën ujë. Ky është një fenomen që po përsëritet shpesh vitet e fundit. Por dhe para 82 vitesh kemi dëshmi të përmbytjes së Shkodrës. Në gazetën “Tema” janë publikuar disa foto të rralla të realizuara më 31 dhjetor 1935 nga fotografi Kol Marubi të cilat tregojnë qytetin e Shkodrës të përmbytur.
Këto dëshmi të kohës tregojnë se fenomeni i përmbytjes së Shkodrës ka qenë i hershëm. Përmbytjet u ndalën për një periudhë gjatë sistemit komunist për tu rikthyer sërish pas ’90-s.
Këto foto të rralla i përkasin arkivës Marubi, një nga pasuritë më të ndritura të fotografisë, që tashmë konsiderohen si një nga asetet kulturore kombëtare, që të gjithë ne krenohemi me një traditë dhe mjeshtëri të rrallë të Marubëve, që fotografinë e kishin jo vetëm punën e tyre, por dhe pasionin më të madh. 
Fototeka Marubi, është pikë takimi me mjeshtërinë dhe padyshim i jep jetë dhe frymëzim talenteve të reja që duan dhe kërkojnë të lënë gjurmët e tyre në këtë botë sa emocionale, aq dhe me shije të brendshme. Fototeka Marubi, ka një pasuri të jashtëzakonshme sa i përket fotografive të shkrepura në rrjedhën e viteve, ku në lentet e fotografëve kanë rrjedhur vitet e historisë së vendit tonë.
