Kryeministri Edi Rama njoftoi sot vendosjen e një shpërblimi për të gjitha familjet.
Kreu i qeverisë shpjegoi se për çdo fëmijë të parë i çdo çifti, do të marrë 400 mijë lekë (të vjetra), fëmija i dytë, 800 mijë dhe fëmija i tretë 1 milionë e 200 mijë. Ky vendim vjen pas alarmit të krijuar në lidhje me uljen e numrit të lindjeve vit pas viti në Shqipëri.
Vetëm një vit më parë Rama ka ironizuar dhe është tallur keq me të njëjtin prezantim që bëri sot të cilin e propozoi Ben Blushi, në partinë që drejtonte Libra. Vetëm së Blushi propozonte 1000 euro për çdo bebe që lind.
Në atë kohë Rama ironizoi keq me të duke hedhur në “Facebook” një foto ku tregon se më këtë propozim dhe burrat do të mbeteshin me barrë, ndërs po të kërkosh në “Facebook-un” e kryeministrit do shihni që postimi është i fshirë .
Por Blushi i ishte referuar studimeve të cilët tregonin se mosha e popullsisë shqiptare sa vjen e tkurret, kryetari i LIBRA-s në atë kohë deklaroi se do të paguajë deri në 1000 euro çdo familje për lindjen e një bebeje, për t’i bindur shqiptarët të mos ikin.
Sipas Blushit, stimulimi i lindjeve është i domosdoshëm për shkak të emigrimit masiv të viteve të fundit, dhe rënies së numrit të fëmijëve që shqiptarët sjellin në jetë. TIRANA TODAY
Postimi i Blushit, 10 maj 2017
“Shqipëria po plaket dhe po tkurret. Në nje dekadë kemi lindur 50.000 bebe më pak se një dekadë më parë. Në vitin 1990 shtoheshim me 80.000 bebe në një vit, ndërsa sot lindim 30.000 fëmijë në vit.
Gjatë vitit 2016 kemi 3000 fëmijë më pak se një vit më parë. Është tragjike masa me të cilën po zvogëlohemi si popull për shkak te dëshpërimit, padrejtësive, papunësisë dhe mungesës kronike të shpresës.
Nëse kjo situatë vazhdon, pas një dekade do jemi shumë më pak për shkak të lindjeve të ulëta dhe emigracionit masiv. LIBRA do të bëjë çdo përpjekje për ti bindur shqiptarët të mos ikin si dhe për të stimuluar lindjet, duke rikthyer besimin e prindërve se Shqipëria mund të jetë një vend i jetueshëm për fëmijët e tyre. LIBRA do ndjekë nje politikë të qartë kundër shpopullimit të vendit, duke hapur punë për të rinjtë, duke inkurajuar kthimin si investitorë të emigrantëve në Shqipëri si dhe duke nxitur lindjet. LIBRA do paguajë deri në 1000 euro çdo familje për lindjen e një bebeje, duke besuar se të shtosh Kombin sot është detyrim që shoqëria duhet ta shpërblejë!”.
