Foto Galeri

Kur qytetari digjital e informon me vonesë Berishën (foto)

               Publikuar në : 18:26 - 16/08/19 M. S

Një ditë më parë qarkulloi lajmi se pronari i një lokali dhunoi turistët spanjollë, pasi kishin tentuar të largoheshin pa paguar. Kjo pasi atyre nuk u kishte pëlqyer shërbimi. Furgoni i turistëve është ndjekur nga pronarët e lokalit, të cilët kanë goditur me grushte turistët dhe drejtuesin e mjetit.

Më pas kanë nxjerrë armë të ftohta dhe kanë tentuar t’i godasin. Ata kanë thyer xhamin e furgonit, i cili ka tentuar të largohet nga vendi i ngjarjes. Qytetari digjital që i shkruan Berishës, thotë se ky lajm nuk është i vërtetë, ndërsa ka përcjellë disa të dhëna të tjera.

Statusi

Fake News per Borshin, pergenjeshtrohet nga qytetari dixhital!

Lexoni mesazhin e tij. sb

Pershendetje Z. Berisha,

Po ju shkruaj ne lidhje me nje lajm te modifikuar qe ka qarkulluar sot, sikur nje pronar lokali ne Borsh ka rrahur disa turiste spanjolle. Nderkohe e verteta eshte qe ngjarja ka ndodhur tek restorant Panorma, ne pronesi te M. Kokedhima (kusheri i pare i Kocos). Lajmi eshte modifikuar qe te mbulohet autori i vertete, dhe qe ti behet anti-reklame Borshit padrejtesisht.

Publikojeni ju lutem qe kush e lexon ta bojkotoje ate restorant ne Porto Palermo (dhe jo ne Borsh).
Faleminderit.

Sot, Ministri i Mjedisit dhe Turizmit, Blendi Klosi zhvilloi një takim me familjen e turistëve spanjollë, të cilët u dhunuan nga Mihal Kokëdhima, pronari i një restoranti në Porto Palermo.

Lajmin e ka bërë me dije vetë Klosi, me anë të një postimi në rrjetet sociale. Ministri shprehet mes të tjerash, se ajo që përjetuan dje pushuesit nuk është as në traditën shqiptare të mikpritjes, dhe as në kulturën tonë për trajtimin e miqve.

Ditën e djeshme 51-vjeçari Mihal Kokëdhima, pronari i restorantit “Panorma”, në Porto Palermo të Himarës, u konfliktua me turistët spanjollë, ndërsa ushtroi edhe dhunë ndaj tyre. Sakaq, sot policia njoftoi se 51-vjeçari është arrestuar, ndërsa rasti i është referuar Prokurorisë.

 

 

 

 

Kthehu
WhatsApp Denonco ne TT