Kryeministri Edi Rama deklaroi mbrëmjen e sotme se duke filluar nga data 1 Qershor, do të lejohet qarkullimi i automjeteve në të gjithë vendin.
“Të hënën, në 1 Qershor, do të hapen kopshtet dhe çerdhet, do të hapim kufijtë tokësorë, do të hapim qarkullimin e makinave në të gjithë vendin. Kjo do të jetë java e fundit e zonave me ngjyra, kjo fundjavë do të jetë e fundit e ndalim-kalimit të kufirit përtej çdo zone të kuqe”, u shpreh Kreu i Qeverisë.
Sa i përket transportit urban, Rama theksoi se ende nuk është marrë një vendim.
