Ivica Daçiq bëri me dije se Serbia, nga 1 qershori, do t’i rihapë kufijtë për shtetasit e Bosnje dhe Hercegovinës, Malit të Zi, Shqipërisë dhe Maqedonisë së Veriut.
Ministri i Jashtëm serb deklaroi se kufizimet për qytetarët e vendeve të Bashkimit Evropian do të mbeten në fuqi së paku deri më 15 qershor: “Këto janë qëndrimet e Serbisë. Hyrja e qytetarëve serbë në vendet e tjera do të varet nga rregullat që i kanë ato vende”.
Kujtojmë se javën e kaluar, Kuvendi ka votuar për heqjen e gjendjes së jashtëzakonshme në këtë vend, e cila është vendosur më 15 mars, si masë për frenimin e koronavirusit.
