Kur ndizni ngrohjen në shtëpinë tuaj, mund të mos mendoni shumë se nga vjen energjia juaj, e lëre më se ku shkojnë paratë që paguani për të.
Për miliona njerëz që jetojnë në Evropë, ka një shans të mirë që paratë të rrjedhin në shtetin rus – një pjesë e madhe e tyre në luftën e Presidentit Vladimir Putin.
Rusia ka ndërtuar një rrjet tubacionesh të gazit natyror në të gjithë Evropën që nga vitet 1960. Uashingtoni ka paralajmëruar aleatët e tij perëndimorë që nga ajo kohë, se më shumë gaz rus vetëm do t’i bëjë evropianët më të prekshëm ndaj Moskës.
Tani ka frikë se Kremlini mund të ndërpresë furnizimin me gaz natyror për Bashkimin Evropian, si hakmarrje për mbështetjen e tij për Ukrainën. Evropa, midis aleatëve të tjerë, ka dërguar armë dhe ndihmë në Ukrainë, për ta ndihmuar atë të mbrohet kundër pushtimit rus.
Ka kaluar vetëm pak më shumë se një javë, por deri më tani, Rusia e ka lënë gazin të rrjedhë. Por kjo paraqet një problem tjetër. Paratë në arkën e luftës: Rusia po fiton qindra miliona dollarë në ditë nga eksportet e saj të naftës dhe gazit, duke minuar sanksionet financiare që fuqitë perëndimore kanë vendosur për të mbytur financimin për përpjekjet e Putinit për luftë.
Bashkimi Evropian, klienti më i madh i gazit i Rusisë, tani po përballet me realitetin se shpenzimet e tij të energjisë kanë ndihmuar në fuqizimin e Putinit, për të kryer një luftë të përgjakshme në kufijtë e tij.
Burimi i lajmit: CNN. Përshtatur nga Tirana Today
