Jemi mësuar të shohim çudira në futbollin shqiptar, por ajo që ka penguar zhvillimin e ndeshjes mes Bylisit dhe Luftëtarit nuk ishte parë ndonjëherë. Ballshiotët nuk kanë arritur në kohë në Gjirokastër, pasi autobusi e të cilin po udhëtonte ekipi i Bylisit ka shfaqur probleme në rrugë dhe është shkaktuar vonesa. Arbitrat e takimit kanë zbritur në fushë dhe kanë pritur për 45’ minuta, më pas ka vërshëllyer përfundimin e takimit akoma pa filluar. Vetëm një pjesë e vogël e lojtarëve kanë arritur në kohë pasi kanë udhëtuar me makina private.
Edhe pse distanca mes qyteteve është rreth 1 orë e 30 minuta, ekipi ballshiot ka arritur në stadium me një vonesë më të madhe se 45’ minuta. Bylisi ishte favorit për të kaluar në fazën tjetër të Kupës së Shqipërisë, pasi në ndeshjen e parë kishte fituar me rezultatin 2-1. Gjithçka për këtë ndeshje tani do të vendoset nga Komisioni i Disiplinës, i cili me shumë gjasa do të vendosë humbjen 3-0 në tavolinë për Bylisin dhe në çerekfinale do të kalojnë gjirokastritët. Nga ana tjetër Bylis rrezikon të përjashtohet edhe nga edicioni i ardhshëm i Kupës së Shqipërisë.
Në ndeshjet e tjera Skënderbeu ka kaluar me lehtësi Beslidhjen edhe pse daja vendosi të hedhë në fushë formacionin e dytë, arritën të triumfojnë 3-0. Po ashtu edhe Kukësi ka shkatërruar Erzenin 5-1, ndërsa Teuta mposht Kamzën 4-0 dhe siguron kalimin për më tutje.
Në “Loro Boriçi” është luajtur ndeshja e kthimit të derbit të Shqipërisë, ku Tirana ka siguruar kualifikimin edhe pse është mposhtur me rezultatin minimal 1-0. Sfida është shoqëruar me shumë tension dhe kartonë të kuq, ku Vllaznia në fundin e takimit ka pasur shansin e artë për të barazuar rezultatin e përgjithshëm, por portieri Lika bën heroin dhe nuk lejon topin të përfundojë në rrjetë. Partizani dhe Flamurtari gjithashtu kanë kaluar me lehtësi kundërshtarët. Ndërsa Laçi është mposhtur në shtëpi nga Lushnja me rezultatin 1-0, por që nuk ka shërbyer për kualifikim, pasi kurbinasit kishin fituar ndeshjen e parë me rezultat 3-1 për të siguruar kalimin për në 1/8.
Kupa e Shqipërisë, turi i dytë
Grupi A
KUKËSI-ERZENI 5-1 (4-1)
Golat: Koldashi 12′, 25′, Ethemi 38′, Aliev 55′, Shtubina 62’/ Troplini 67′
SKËNDERBEU-BESËLIDHJA 3-1 (1-0)
Golat: Kelmendi 3’, 82’, Demte 74’ / Kamara 27′
TEUTA-KAMZA 4-0 (1-1)
Golat: Hila 33′ (pen), 70′, Beqaj 82′, Osamene 86′
VLLAZNIA-TIRANA 1-0 (0-2)
Golat: Kalaja 60’
Grupi B
LAÇI-LUSHNJA 0-1 (3-1)
Golat: Byzhyti 78′
FLAMURTARI-TURBINA 5-2 (6-1)
Golat: Toungara 26’, Liçaj 32’ (pen), Diamanti 60, Tushi 69, Muçollari 75 / Sallaku 42’, 90′
PARTIZANI-POGRADECI 3-0 (1-0)
Golat: Fili 55′, Progni 71′, Batha 75’
LUFTËTARI-BYLIS (s’u luajt) (1-2)
