Bylisi ka fituar me përmbysje përballë Tiranës në ndeshjen e parë gjysmëfinale të Kupës së Shqipërisë.
Bardheblutë shënuan që në minutën e 20 me anë të Edon Hasanit, por në pjesën e dytë u dominuan nga ballshiotët, duke e bërë më të vështirë arritjen e finales së kompeticionit të dytë më të rëndësishëm në futbollin shqiptar.
Në pjesën e dytë, ishte dy herë Murataj (65’ dhe 78’) ai që përmbysi gjithçka, ndërkohë që portieri i Tiranës, Iljon Lika shpëtoi disa herë portën e bardhebluve nga pësimi i golave të tjerë.
Gjithsesi, Bylisi kishte mundësinë të thellonte shifrat në sekondat e fundit të ndeshjes, pasi fitoi një 11-metërsh, por Jurgen Goxhaj nuk arriti të shënonte përballë Likës.
2-1 rezultati i takimit, me kualifikimin që mbetet i hapur dhe që do të vendoset në Tiranë, në datë 15 korrik, shkruan “A2”.
