Policia e Tropojës ka arrestuar 2 të rinj të cilët kanë kundërshtuar me dhunë një punonjës të policisë.
Sipas njoftimit, arrestimi i tyre u bë pas një konflikti në të cilin dy të rinjtë ishin përfshirë së bashku me disa persona të tjerë.
Në momentin që ata janë shoqëruar në komisariat, 2 shtetasit kanë kundërshtuar me dhunë efektivin e policisë.
Njoftimi i plotë:
Kundërshtojnë me dhunë punonjësin e Policisë, arrestohen në flagrancë dy shtetas.
Specialistët e Seksionit për Hetimin e Krimet në Komisariatin e Policisë Tropojë arrestuan në flagrancë shtetasit:
– J. O., 21 vjeç, banues në Bajram Curri.
– M. N., 21 vjeç, banues në fshatin Lekurtaj, Tropojë.
Arrestimi i tyre u bë pasi, në bashkëpunim me njëri – tjetrin, gjatë kohës që janë shoqëruar në ambientet e Komisariatit të Policisë Tropojë pas përfshirjes në një konflikt me disa persona të tjerë, kanë kundërshtuar me dhunë punonjësin e Policisë.
Materialet i kaluan Prokurorisë së Rrethit Gjyqësor Tropojë, për veprën penale “Kundërshtimi i punonjësit të policisë së rendit publik”.
