Sekretari i Çështjeve ligjore në Partinë Demokratike, Çlirim Gjata ka komentuar vendimin e KQZ-së, e cila është shprehur kundër dekretit për shtyrjen e zgjedhjeve.
Gjata, i ftuar i ftuar në emisionin “Kjo Javë”, në News 24, u shpreh se “KQZ është në shpërdorim detyre” dhe katër anëtarët e saj do të marrin përgjegjësinë, se po e çojnë Shqipërinë në zjarr.
Sipas Gjatës, anëtarët e KQZ-së janë për t’u vendosur në burg pas marrjes së këtij vendimi.
“Janë për burg ata që kanë marrë këtë vendim. Ne nuk kemi asgjë me ta. Në 30 qershor nuk ka zgjedhje. Janë në shpërdorim detyre. Si ka shkel ligjin kur ka dekretin nga mbrapa”, deklaroi Gjata.
Ish-kreu i KQZ-së tha se pas përgjimeve, ndërkombëtarët i kanë hequr mbështetjen kryeministrit Rama, si dhe deklaroi se do ketë surpriza nga faktorët kombëtarë.
Deklarata e plotë:
“Qeveria thotë se s’bën do të arrestohet populli, thotë se s’bën do të votohet me 30 qershor. Të gjitha i ka bërë dhe vijon t’i bëjë këto gjëra. Si dreqin prokuroria thërret Bashën, por nuk thërret asnjë ministër. Mafia shtetërore nuk thirret në prokurori. Është një broçkull e madhe. E para KQZ është një ndërmarrje, pra një hamall i zgjedhjeve, o me Gjykatë Kushtetuese ose me revolucion ndryshohen gjërat. KQZ është në shpërdorim detyre dhe ajo katërshja do të marrë përgjegjësinë se po e çon Shqipërinë në zjarr. Janë në ndjekje penale për shpërdorim detyre. Janë për burg ata që kanë marrë këtë vendim. Ne nuk kemi asgjë me ta. Në 30 qershor nuk ka zgjedhje. Janë në shpërdorim detyre. Si ka shkel ligjin kur ka dekretin nga mbrapa. Çdo Edi Rama që hyn tek kryetari i bashkisë. Këto metoda, që po përdorë Edi Rama janë përdorur këto në demonstrata në Kosovë. Rama kundër shqiptarët po shkon drejt Milloshevicizimin e Shqipërisë. PD po shpëton demokracinë. Është e dyta herë. Ndërkombëtarët i kanë hequr mbështetjen sidomos pas përgjimeve. Do të këtë surpriza edhe nga faktori ndërkombëtar”.
