Dhuna për çështje pronësie gjithmonë e më shumë po bëhet edhe më e dhunshme, e nuk kursen as individët. Sherret mes familjarëve kalojnë çdo normë, e ndërsa dhuna është kthyer në të vetmen mjet, ku mund të gjendet një zgjidhje.
Një grua dje në Durrës pësoi tronditjen më të madhe, pasi u dhunua nga kunati e djemtë e tij, aq sa e bënë edhe për spital.
55 vjeçarja me inicialet Q.K., u dhunua nga kunati 61-vjeçar me inicialet M.K., dhe dy djemtë kryesisht të moshave 28 dhe 32-vjeç. E dhunuara është dërguar fillimisht në spitalin e Durrësit, por për shkak të gjendjes së rëndë shëndetësore, më pas është dërguar për mjekim të specializuar në QSUT Tiranë.
Gazetari Mentor Kikia, mjaft i revoltuar shkruan se “Nuk dihet se në cilën epokë na është prishur fara si popull!”. Ai nënvizon faktin se nëpër fshatra, ndodh e njëjta histori, pasi fqinjët janë të gjithë në hasmëri.
