Lista zyrtare e kandidatëve të Partisë Socialiste për 61 bashkitë e vendit pritet të dalë e plotë të shtunën, kështu ka deklaruar kryeministri Edi Rama.
Megjithatë disa emra tashmë janë konfirmuar, e disa të tjerë megjithëse fliten nën zë, ka gjasa të konfirmohen shumë shpejt
Një prej tyre është edhe Valbona Sako, e cila mban postin e drejtoreshës së Tatimeve në Durrës. Sako, e cila është nusja e vëllait të ish-missit shqiptar Hygerta Sako, flitet se do të kandidojë për një nga bashkitë më të rëndësishme në vend, atë të Durrësit, raporton Newsbomb.al.
Sako duket se do të ketë mbështetjen e kryebashkiakut aktual, Vangjush Dako, i cili prej 12 vjetësh e mban këtë post. Madje flitet se Dako jo vetëm që e mbështet por është ai që ka zgjedhur Sakon për t’i dorëzuar stafetën.
