Analisti Andi Bushati shprehet se presidenti Ilir Meta duhet të dorëhiqet. Sipas tij, nuk e ka më luksin të bëjë rolin e presidenti të një republike normale.
I ftuar këtë mbrëmje në emisionin “Open”, Bushati tha se kreu i shtetit është kthyer “në një kukull qesharake të qeverisë”, ndërsa shtoi se një president nuk arsye për të qëndruar në atë post, për aq kohë sa nuk i konsiderohen dekretet.
“Për herë të parë pas shumë kohësh jam dakort me Baton Haxhiun kur thotë se ç’kuptim ka një president që nuk i konsiderohen dekretet, nuk lëvis 13 teori. Ilir Meta sot është kthyer në një kukull qesharake të një qeverie që ka kapur çdo gjë. Unë nuk e di çfarë ndryshimi ka mes Ilir Metës dhe Arta Markut. I ndalin dot koncesionet…PPP, asgjë. Pse rri aty? Për ofiqet e veta. Ndaj Ilir Meta nuk ka më luksin të bëjë lojën sikur është president i një sistemi demokratik, prandaj duhet të dorëhiqet sa më parë”, deklaroi Bushati.
