Kukësi ka zhvilluar miqësoren e tretë në Antalya, përballë Fenerbahçes në minifazën përgatitore dhe vazhdojnë të qëndrojnë të pamposhtur. Pasi mposhtën Kajserisporin dhe Bursasporin, kampionët e Shqipërisë regjistruan një tjetër rezultat pozitiv, kësaj here një barazim 2-2 përballë gjigantëve të Fenerbahçes.
Pjesa e parë ishte fantastike për verilindorët, të cilët kaluan në avantazh në minutën e 28’ me një perlë të Elis Bakajt. Vetëm 6 minuta më vonë dyfishojnë rezultatin me anë të futbollistit Bujar Idrizi, i cili ka goditur saktë nga brenda zonës, duke shkundur për herën e dytë rrjetën e Fenerbahçes.
Skuadra e drejtuar nga trajneri Pakult zhvilloi një lojë spektakolare në pjesën e parë duke qenë superiore ndaj gjigantëve të Fenerbahçes. Skuadra turke ngushton diferencën në minutën e 49-të me anë të Xhulianos, i cili tregohet i saktë nga pika e bardhë e penalltisë, e cila u shkaktua nga Shameti. Lojtarët e Kukësit nuk ishin dakord me vendimin e gjyqtarit. Në minutën e 90-të, gjyqtari akordon një tjetër penallti në favor të Fenerbahçes. Ky moment ka shkaktuar tension dhe përplasje mes lojtarëve të Kukësit dhe atyre të skuadrës turke. Pas disa minutash loja ka rifilluar dhe Fernandao ka barazuar shifrat.
LIVE| Fenerbahçe-Kukësi 2-2
Xhuliano 49’(p), Fernandao 90’(p) / Bakaj 28’, Idrizi 34’
