Kukësi është gati për të nisur sfidën e tij në eliminatorët e Europa League dhe këtë e konfirmuan edhe testet antiCovid që iu nënshtruan të gjithë lojtarët dhe stafi i ekipit verilindor.
Faqja zyrtare e nënkampionëve të Shqipërisë njofton se janë marrë përgjigjet e testit të dytë që u zhvillua ditën e hënë dhe fatmirësisht të gjithë; ekipi, stafi teknik, stafi organizativ dhe ndihmësit e kësaj ndeshjeje, kanë rezultuar negativë, shkruan “A2”.
Kukësi do të ndeshet ditën e enjte në orën 20:00 me bullgarët e Slavias së Sofjes, në një takim që do të luhet në “Air Albania Stadium”.
