Ish-deputeti i Parlamentit Evropian, Eduard Kukan, ka komentuar zhvillimet e fundit të çështjes Kosovë-Serbi.
Në një deklaratë për “Asociacionin për Politikë të Jashtme të Sllovakisë”, Kukan tha se ish-përfaqësuesja e Lartë e Bashkimit Evropian, Federica Mogherini, nuk ka treguar udhëheqje të mjaftueshme në dialogun Kosovë-Serbi.
Ish-eurodeputeti u shpreh se edhe përfaqësuesi i Lartë i BE-së për politika të jashtme, Joseph Borrell, nuk do ta bëjë punën ashtu siç duhet.
Sipas Lajmi.net, ai ka thënë se shpreson që BE-ja të emërojë një përfaqësues special, që do ta udhëheqë më mirë dialogun Kosovë-Serbi, por edhe politikën e jashtme të BE-së.
“Në momentin kur Kosova vendosi taksa ndaj Serbisë, Mogherini është dashur të udhëtojë atje dhe ‘të godasë tryezën’. E mbaj mend Borrell kur ishte kryetar i Parlamentit Evropian. Emërtimi i tij më befasoi, pasi spanjollët kanë politikanë shumë më dinamikë dhe më të rinj”, u shpreh Kukan.
Sipas tij, emërimi i Borrellit në krye të diplomacisë evropiane e sidomos si i dërguar special për dialogun Kosovë-Serbi, është i favorshëm.
Por nga ana tjetër, Kukan thotë se, ideja e shkëmbimit të territoreve në mes të Kosovës dhe Serbisë e cila ishte aktualizuar vitin e kaluar, nuk ka qenë thjeshtë një strategji në fushatë.
“Çështja e njohjes së Kosovës me shkëmbimin e territoreve me Serbinë do të aktualizohet përsëri”, ka deklaruar Kukan, i cili shtoi se nëse ndodhë një gjë e tillë, kjo mund të destabilizojë Bosnjë dhe Hercegovinën.
