Një incident është shënuar sot në hyrje të Parlamentit. Mësohet se një 32-vjeçar ka tentuar të parkojë makinën brenda oborrit të godinës qeveritare, ndonëse është e ndaluar.
32-vjeçari me inicialet M.B., ka kujtuar se oborri i Parlamentit shërben si parkim.
Pas incidentit, 32-vjeçari është shoqëruar në komisariat, dhe po punohet për sqarimin e rrethanave të ngjarjes.
“Më datë 07.12.2022, te Parlamenti, shtetasi M. B., 32 vjeç, duke drejtuar automjetin e tij, ka dëmtuar traun e hyrjes në Parlament. 32-vjeçari është shoqëruar në komisariat dhe po punohet për sqarimin e rrethanave të ngjarjes”, thuhet në njoftimin e policisë.
