Nga: Klodian Tomorri
Në vitin 2013, qeveria i dha Dhomës Kombëtare të Avokatisë 25 mijë metra tokë shtetërore falas pranë fushës së Aviacionit. Sipas vendimit, toka u dha me qëllim ndërtimin e Korpusit të Avokatisë dhe nuk lejohej ndryshimi i destinacionit.
Dhoma e Avokateve e ndërtoi Pallatin. Se me çfarë çmimi dhe se me çfarë parash e financoi, kjo nuk dihet, pasi Dhoma Kombëtare e Avokatisë është një OJF dhe jo Institucion Publik. Nen zë flitet se e gjithë ndërtesa ka kushtuar 2 milionë euro, por ky është informacion i pakonfirmuar, sepse nuk është publik.
Tani Pallatin e ndërtuar mbi token e falur shtetërore, qeveria po e ble si zyra për institucionet e reja të drejtesisë. Çmimi i blerjes edhe ky ende jo publik, flitet se është caktuar 11 milionë euro.
Pra 11 milionë euro do të paguajnë qytetarët shqiptarë për Dhomën e Avokatisë, për një pallat të ndërtuar në toke të falur shtetërore.
1-Kujt po i shkojnë paratë?
2-Si do të përdoren ato?
3-Pse u shkel vendimi i qeverisë, qe ndalonte shprehimisht ndryshimin e destinacionit për pronën e falur?
4-Me ca bazë ligjore është blerë prona?
Sepse ligji nuk e lejon qeverinë të blejë prona private sipas qejfit, por e ka kushtezuar vetëm me shpronësimet. Edhe keto me çmime të percaktuara dhe vetëm kur perdoren për vepra publike qe kanë rëndësi të veçante. Nuk e lejon njeri qeverinë të blejë prona private si të dojë, sepse po te ishte ashtu buxheti i shtetit do masakrohej nga pazaret.
Ky transaksion ka pikëpyetje të mëdha dhe shume anë të errëta. Eshtë biznes i rendë, që do të plase shume shpejt në publik. Boll më me institucione hibride, qe ngrihen për të devijuar paratë e taksapaguesve ne llogari të paqarta dhe me mekanizma të dyshimte. Sepse po na del Dhoma e Avokatisë si biznes ndërtimi, qe merr troje publike falas dhe fiton miliona euro. Ça janë këta?
