Kryeministri Rama ka thënë mbrëmjen e djeshme në emisionin “Zonë e Lirë” në Tv Klan, se nëse preket nga koronavirusi, “timonin do ta mbajë vetë te respiratori”. Ai ka shtuar më tej se drejtimin e qeverisë, do ja besojë dikujt tjetër.
“Babai i koronës, nëse larg qoftë prekeni nga korona, kujt do t’ia lini drejtimin?”, e pyeti moderatori kryeministrin Rama.
Ky i fundit shkaktoi humor në studio, ndërsa tha se timonin nuk do e lëshonte për asnjë arsye.
“Drejtimin e kujt, qeverisë? Timonin do e mbaj vetë te respiratori, pastaj drejtimin do ia lë dikujt tjetër”, u shpreh kryeministri.
