Shoferët duhet të jenë të përgatitur për fillimin e sezonit dimëror. Kështu, policia e Kosovës ka nisur kontrollimin e shoferëve nëpër autostrada, duke i paralajmëruar shoferët, edhe pse nuk vendosi gjoba.
Megjithatë, policia bëri të ditur se nga dita e nesërme do të fillojnë dënimet.
Me ardhjen e stinës së dimrit, rrezikshmëria në qarkullim rritet, ndaj policia apeloi te qytetarët të jenë më të kujdesshëm dhe të përgatitur me pajisjet e nevojshme dimërore.
“Një pjesë jo e madhe nuk e dinë se sot ka filluar sezoni dimëror. Por, ne kemi marrë një aksion edhe sot, edhe ditëve paraprake, për informim të qytetarëve, dhe të vetëdijesimit të tyre se prej të 15-tit fillon sezoni dimëror, dhe mjetet e tyre duhet të jenë të pajisura me pajisje dimërore, në mënyrë që të parandalohen aksidentet”, ka thënë Argjend Gashi, toger në njësitin për kontroll në autostrada.
