Nipi i ish-kryeministrit të Kubës,Fidel Kastro, Sandro ka publikuar ditën e sotme një video duke u mburrur për makinën e tij të re. Publikimi i videos nuk është pritur mirë nga banorët e Kubës, pasi vendi është në krizë ekonomike për shkak të pandemisë, shkruan Daily Mail.
Gjatë videos që ka publikuar, Sandro thotë me ironi se njerëzit e thjeshtë duhet të nxirrnin ‘lodrat e tyre të vogla’.
“Ju e dini që ishin njerëz të thjeshtë, por herë pas here duhet të nxjerrim lodrat e vogla që mbajmë në shtëpi”, dëgjohet të thotë Sandro.
Video ka nxitur reagimet e shumë personave në Kubë për shkak të fjalëve me ‘nocion tallës’ që Sandro ka thënë, në një kohë kur shumë persona në Kubë kanë mbetur pa punë për shkak të pandemisë.
