Sokol Balla, Drejtori i Informacionit në Top Channel, ka qenë i ftuar mbrëmjen e djeshme në emisionin “Më lër të flas”, ku i është përgjigjur pyetjeve pikante. Gjatë intervistës ai theksoi se arritja e tij më e madhe ishte në “Top Channel”. Sa për marrëdhënien me Rudina Xhungën, sqaroi njëherë e mirë se mes tyre nuk ka asnjë konflikt apo hatërmbetje. Sokol Balla tregoi si qëndron e vërteta e kësaj “përndjekjeje”, ndërsa zbuloi ndër të tjera se kanë punuar së bashku 10 sezone.
Pjesë nga biseda në studio:
Donald Veshaj: “Është histori e lezetshme, ku shkon Koli, ikën Rudina”.
Sokol Balla: “Jo nuk është e vërtetë, ne kemi punuar bashkë deri në 2016. Pra nga 2005 deri në 2016”.
Donald Veshaj: “Qarkullon një si tip legjende, se kudo që shkon ti largohet Rudina”.
Sokol Balla: “Ne kemi punuar 10 sezone bashkë. Pse nuk e merrni ndryshe, mund të jetë larguar ajo para se të vija unë?! Se s’donte të rrinte me mua në të njëjtin televizion. Unë nuk e di”.
Donald Veshaj: “A e shikoni veten bashkë me Rudinën në një televizion?”.
Sokol Balla: “Do të ishte bukur që një grup njerëzish që punojnë bashkë, të dalin në pension bashkë e të plaken bashkë”.
Donald Veshaj: “Ku e shikon veten ti në diçka tjetër?”.
Sokol Balla: “Mua më pëlqen të shkruaj, më pëlqen dhe radio”.
