Pak ditë më parë, Kina po raportonte raste që vinin në ulje sa i takon numrit të të infekttuarve. Por duket se situata ka ndryshuar sërish, dhe gëzimi ka zgjatur fare pak. Gjatë 24 orëve të fundit, Kina ka raportuar 22 raste të reja të koronavirusit, nga 6 raportuar një ditë më parë. Me shifrën e fundit, bilanci i përgjithshëm i infeksioneve me COVID-19 deri më tani ka shkuar në 82.858, raporton Reuters.
Komisioni Kombëtar i Shëndetit, në një deklaratë të shpërndarë sot, bën me dije se numri i rasteve të importuara që përfshinin udhëtarët nga jashtë është rritur në 21 të martën, nga 3 një ditë më parë.
Rastet e reja asimptomatike, që përfshijnë pacientë të infektuar me virus por që nuk shfaqin simptoma, ranë në 26 nga 40 një ditë më parë.
Numri i përgjithshëm i vdekjeve nga COVID-19 ka mbetur i pandryshuar, në 4.633.
