Kryesuesi i delegacionit të Parlamentit Evropian, Kelam ka kritikuar dorëzimin e mandateve nga ana e opozitës, teksa tha se kjo situatë do të pengonte çeljen e negociatave të Shqipërisë me Bashkimin Evropian.
Teksa foli në konferencën e delegacionit, Kelam tha se ndasitë politike po pengojnë integrimin në BE, ndërsa bëri thirrje që partitë shqiptare të bashkohen në kuadër të këtij objektivi.
Po ashtu, kryesuesi i delegacionit kërkoi që të mos nxitet dhunë në protestat e opozitës, si dhe t’i jepet më shumë hapësirë Shoqërisë Civile, por edhe më shumë mundësi studentëve që të mos braktisin vendin.
Fjala e kryesuesit të delegacionit të PE:
Ka ndasi dramatike politike për çeljen e negociatave. Ë të gjitha rastet kërkohet unitet politik dhe kjo është ajo që na shqetëson ne më tepër. Edhe pse jemi përfaqësues të ndryshëm të partive politike, ne jemi të bashkuar në qëndrimin tonë.
Bojkotimi i parlamentit përbën një akt shumë të keq, kjo cenon besueshmërinë e shtetit dhe të kombit në tërësi. U bëjmë thirrje të gjitha partive që të ndihmojnë, të ushtrojnë trysni faktorë të ndryshëm në mënyrë që të bashkohen me njëri-tjetrin. Nuk mund të kesh arsye për të penguar objektivin kryesor për shkak të ndasive apo interesave të partive.
Protestat që kanë ndodhur para parlamentit dhe qeverisë, duhet të mos kthehen të dhunshme. Jemi shumë kundër nxitjes së dhunës nga partitë politike.
Pasi jemi takuar me shumë përfaqësues të shoqërisë civile dhe organizata të rinisë, përfundimi është se Shqipëria ka nevojë për shumë më tepër hapësirë. Organizatat e shoq civ kanë nevojë të kenë akses në institucioneve të ndryshme qeveritare.
Një tjetër gjë është që e ardhmja e Shqipërisë është rinia e saj. Dhënia e mundësive do shmangte idetë që ata të largohen nga vendi. Është në interes kombëtar që të merret parasysh edhe pozicioni i studentëve dhe t’u krijohet një perspektivë për të ardhmen e tyre./ Tirana Today
