Lubjana Gjeçaj, e cila u arrestua sot në Tiranë nuk është një emër i panjohur për drejtësinë italiane.
Policia e Shtetit njoftoi se 43-vjeçarja u arrestua me qëllim ekstradimin në Itali. Ajo është dënuar në shtetin fqinj me 3 vite burg, për pjesëmarrje në organizata terroriste. Ajo njihet në shtetin italian si rekrutuese xhihadiste.
43-vjeçarja është e mamaja e Aldo Kobuzit, shqiptarit që u martua me një italiane për ta kthyer atë në italianen e parë xhihadiste në vendin fqinj.
Lubjana u njoh me shtetasen Maria Giulia Sergio dhe e prezantoi atë me djalin e saj. Autoritetet italiane deklaruan asokohe se Lubjana është rekrutuese e Shtetit Islamik.
Detyra e saj ishte të mbante një forum të propagandës në Internet që synonte futjen e grave në Kalifat. Ajo bënte martesa mes të rinjve me qëllim, për t’i dërguar ata në Siri.
Pas 8 muajve hetime, në një operacion të gjerë të shtrirë në disa qytete në Itali dhe në Shqipëri 10 persona ranë në pranga, 4 italianë,1 kanadez dhe 5 shqiptarë.
Veç 43-vjeçares, pjesë e grupit ishte dhe Dritan Gjeçaj bashkëshorti i saj, Baki Çoku, Aldo Kobuzi dhe Arta Kakabuni
