Gjykata e Tiranës ka lënë në burg për 30 ditë shtetasin Ilias Sketiraj, i cili është autori i goditjes me këpucë ndaj Ramës.
Gruaja e tij ka thënë për mediat se janë banorë prej 20 vitesh të “Unazës së Re”, dhe janë në proces legalizimi. Si shumë banorë të tjerë, ajo deklaroi se ka paguar taksat ndërsa akuzoi policinë se i ka dhunuar burrin dhe fëmijët.
“Kemi mbi 20 vite te “Unaza e Re”. Jemi në proces legalizimi. Kemi paguar taksat. Policia më ka dhunuar burrin e fëmijët”, tha gruaja e Sketirajt.
Episodi ndodhi më 22 nëntor, në Spitalin e Traumës, ku kryeministri Rama kishte shkuar për të parë gjendjen e efektives Ina Nuka por edhe të kolegëve të saj. Pasi doli nga spitali, Sketiraj bashkë me banorë të tjerë që kishin të afërmit në spital, hodhën akuza ndaj tij. Më pas Sketiraj qëlloi me këpucë në drejtim të kryeministrit.
