Kryeministri Edi Rama ka deklaruar para Këshillit Koordinues të Diasporës se qeveria brenda muajit janar do të ketë gati faturën për dëmet e shkaktuara nga tërmeti i datës 26 nëntor. Sipas tij, pasi fatura do të jetë gati do të fillojë edhe puna për rindërtimin, në mënyrë që të vendi të dalë më i fortë nga kjo situatë.
“Ne urojmë që brenda janarit të kemi një faturë paraprake financiare të dëmeve të tërmetit, faturimi është një procesi që vazhdon. Pas kësaj do të fillojë edhe pjesë e vështirë e rindërtimit. Ne duam që të dalim më të fortë nga kjo situatë dhe falë procesit të rindërtimit të krijojmë një cilësi të re në marrëdhëniet me njerëzit por edhe në marrëdhënie të njerëzve me vendin”, u shpreh Rama.
