Mbrëmë, në studion e “Porta a Porta” në Rai Una, kryeministri Rama ka folur për herë të parë për të fejuarën e djalit të tij Kristi Reçi, e cila humbi jetën sëbashku me familjen e saj gjatë tërmetit të javës së kaluar. KM ka shpjeguar se pse deri më sot s’ka folur publikisht për këtë pjesë, ndërkohë që fjalët e tij janë shoqëruar edhe nga ngushëllimet e gazetarit të njohur Bruno Vespa.
“Kam detyrimin të bëj kryeministrin e një vendi që vuan tragjedinë, ndaj nuk doja të flisja për këtë ngjarje sepse nuk është diçka që më përket vetëm mua dhe familjes sime, por i përket të gjithëve. Kjo humbje vetëm sa e shtoi detyrimin tim për të bërë gjithçka, sepse nuk shoh ndryshim nga gjithë të tjerët që humbën jetën”, thotë Rama.
“Lamtumirë Kiki”! Mesazhi prekës i djalit të kryeministrit për mikeshën e tij
Kujtojmë që Kristi Reçi u shua bashkë me familjen e saj pas tërmetit të 26 Nëntor. Nga rrënojat e pallatit ku ata jetonin u nxorën të pajetë babai i saj Eduard Reçi, nëna Dolora Reçi dhe vëllai Klaus Reçi. Ajo ishte studente në Fakultetin e Mjekësisë.
