Kryeministri Edi Rama ka publikuar atë që e quan “letra e javës”, dërguar nga një qytetar.
Bëhet fjalë për një rast, ku një qytetar ka mbetur i kënaqur me shpejtësinë e shërbimit zjarrfikës.
“LETRA E JAVËS
Përshëndetje Kryeministër,
Doja të ndaja me ju një episod shumë domethënës që më ndodhi sot në mëngjes. Isha në punë dhe më telefonon motra që shtëpia po merrte zjarr prej një difekti të bombulës së gazit. M’u deshën 10 minuta të ftillohem për të kuptuar çfarë duhet të bëja. Ndërkohë që nisem drejt shtëpisë mora zjarrfikësin në telefon.
Sa arrita në shtëpi, për dy minuta erdhën zjarrfikësat. Ishin të veshur dhe me mjete kundër zjarrit. Për 5 minuta arritën të neutralizonin rrezikun dhe shpëtuan shtëpinë dhe jetën e nënës sime që nuk pranonte ta linte shtëpinë dhe po luftonte me flakën për ta shuar me tenxhere me ujë.
E shkruajta këtë sepse jam shumë i prekur nga çfarë ndodhi, pasi nuk kisha testuar ndonjëherë, apo të prisja të më përgjigjej shteti dhe doja të falenderoja dikë me mirënjohje.
Ervin Kaci”, është kjo letra e publikuar nga Rama në Facebook.
Megjithatë, kaq ka mjaftuar që qytetarët të japin shembuj personalë me situata të tilla, ku fatkeqësisht shërbimi lë për të dëshiruar.
“Isha dje ne polikliniken qendrore per nje vizite okulistike per vajzen e vogel,se ma kerkuan ne shkolle! Te dera mi mori letrat infermierja pa me lejuar te hy brenda! Doli pas gjysme ore dhe me dha vertetimin qe vajza ime ishte ne rregull nga syte! Nuk e vizituat i thashe! Paske llafe ti me tha infermierja! Ika,cte beja tjeter! Leke nuk me moren,te na rroje mjeksia falas pfpfpfpfpfpf Turp tju vije atyre mjekeve qe punojne ne poliklinika!”, shkruan një qytetare.
Një tjetër kritikon personin që e ka dërguar letrën, duke e quajtur “letër servile”, ndërsa një komentues i thotë kryeministrit të publikojë edhe ato letrat, ku njerëzit ankohen për mungesën e ujit:
“Pse s’lexon letrat qe te shkruajne njerezit qe ne 2017 skane uje ne shtepi por mbushin akoma uje me bidona ne autobota?”
DISA NGA KOMENTET:
