Deputeti demokrat Ervin Salianji ka replikuar me Ministrin e Mbrojtjes Niko Peleshi, në lidhje me menaxhimin e situatës së zjarreve në vendin tonë. Kjo pasi ministri tha se Shqipërisë nuk i leverdis të blejë mjetet për shuarjen e flakëve, për shkak të kostos së madhe. Në të njëjtën kohë, Peleshi i është përgjigjur deputetit të PD-së, Ervin Salianji, i cili ngriti pyetjen nëse ia vlen që kryeministri Edi Rama të lëvizë me charter në kushtet e krizës, kur qeveria vepron me rezerva për të blerë mjete për shuarjen e zjarreve. Peleshi deklaroi se këto janë dy çështje që nuk janë të lidhura me njëra-tjetrën, duke i konsideruar udhëtimet e kryeministrit me charter, të lidhura me dinjitetin e shtetit.
“Refuzoj t’i përgjigjem pyetjes nëse duhet një charter qeveritar. Është një pyetje retorike. Është një pyetje retorike Nuk ka renditje të tillë.
Se i bie që ne të bënim investime publike vetëm kur të mos kishin asnjë person me ndihmë ekonomike. Kur të mbaronin… Nuk kanë lidhje me njëri-tjetrin. Po flasim për emergjencat. Charteri ka lidhje me dinjitetin e një shteti, ndërsa helikopterët janë diçka tjetër”, deklaroi Peleshi.
