Kryeministri i Greqisë, Kyriakos Mitsotakis, ka reaguar sërish lidhur me çeljen e negociatave të Shqipërisë për t’u bërë pjesë e Bashkimit Europian.
Ai i ka dërguar një mesazh të fortë qeverisë Rama mbi trajtimin e pakicës greke në Shqipëri, duke paralajmëruar se vendi ynë nuk do të ketë mbështetjen e Athinës për hapjen e negociatave.
Këtë deklaratë, Mitsotakis e ka bërë gjatë një konference të mbajtur ditën e sotme për mediat në Selanik, teksa foli për planet e qeverisë së re greke.
“Qeveria shqiptare duhet të kuptojë se duhet të ndryshojë qëndrim. Ajo përdor taktika të papranueshme kundër pakicës greke dhe për këtë duhet të jetë e vetëdijshme se nuk do të ketë mbështetjen e Greqisë në negociatat e pranimit në BE”, tha Mitsotakis.
Mediat fqinje nxjerrin si problem kyç çështjen e shpronësimeve të kryera nga qeveria e drejtuar nga kryeministri Rama.
