Kryeministri i Australisë, Scott Morrison, është shprehur se zjarret që kanë përfshirë vendin mund të vazhdojnë edhe disa muaj.
Deri më tani janë raportuar 24 viktima që nga fillimi i zjarreve në shtator të vitit 2019. Morrison tha se qeveria e tij ka themeluar një agjenci për t’i ndihmuar personat që i kanë humbur shtëpitë dhe bizneset e tyre nga zjarri.
Fundjava që kaloi solli disa nga ditët më të rënda të krizës së zjarreve deri më tani, teksa qindra prona janë shkatërruar. Situata u përmirësua disi në rajonet lindore të dielën, për shkak të rënies së temperaturave dhe shpejtësisë së erës. Në disa pjesë kishte edhe reshje të dobëta shiu.
Por BBC raporton se autoritetet kanë paralajmëruar se rreziku nga zjarret është ende larg fundit.
