Kryetarja e Lëvizjes Socialiste për Integrim, Monika Kryemadhi tha sonte se Edi Rama ka përdorur ekipin e Partizanit për të pastruar para. Në një lidhje direkte në emisionin “Të Paekspozuarit”, Kryemadhi deklaroi se Rama ka përdorur Partizanin për të luajtur baste jashtë Shqipërisë. Ajo përmendi humbjen e Partizanit 5-0 me Luftëtarit. Gjithashtu, Kryemadhi deklaroi se kryeministri Rama udhëton në vende të çuditshme për të pastruar paratë. Kryetarja e LSI-së përmendi, kontinente si Azia dhe Amerika, por dhe shtete si Katari.
“Rama bën pastrim parash në Azi, Katar, Marok dhe Amerikë. Pse humbi Partizani 5-0 me Luftëtarin, sepse këta luajnë me baste jashtë Shqipërisë“, deklaroi Kryemadhi.
Kujtojmë që në ekipin e Partizanit, është Drejtori i Përgjithshëm vëllai i kryeministrit, Olsi Rama ndërsa në pronësi është në emër të mikut të kryeministrit, biznesmeni Gaz Demi.
