Kryetarja e LSI-së, Monika Kryemadhi nuk është mjaftuar me reagimin saj në Facebook, por ka dhënë edhe një deklaratë për mediet lidhur me deklaratat e sotme të Ramës për çështjen Tahiri.
Deputetja ka ngritur alarmin se drejtësia po përballet me një pengesë të madhe që sipas saj nuk janë vetëm kriminelët, por edhe qeveria.
Sipas Kryemadhit, Rama u shndërrua sot në mburojë të krimit, duke kërcënuar drejtësinë hapur, teksa i bëri thirrje prokurorisë së Krimeve të Rënda që t’i shkojë deri në fund hetimit për çështjen e Tahirit.
FJALA E KRYEMADHIT:
Kryeministri shqiptar u hoqi çdo mëdyshje shqiptarëve për lidhjen me krimin dhe trafikun. Drejtësia po përballet me një pengesë të madhe që nuk janë vetëm kriminelët. Kryetari i Kuvendit dhe mazhorancës e kthyen këshillën në një mbështetëse të krimit.
Komisioni i këshillit të mandateve u kthye në një gjykatë politike dhe teatrale. Shqiptarët prisnin që kryeministri të lejonte drejtësinë të vepronte, ndërkohë që shqiptarët janë burgosur për mospagimin dritave.
Ata panë sot kryeministrin të shndërrohej në një mburojë të krimit, që kërcënon drejtësinë hapur. Rama po lë shqiptarët në duart të kriminelëve, gjobëvënësve. Fjala e tij sot, dëshmi publike e një pazari mes kriminelëve që ndajnë rolet dhe hesapet midis tyre.
Kryeministri para pak minutash kërkoi t’i mbyllte gojën prokurorisë, pasi do të jetë edhe kryeprokuror edhe kreu i gjykatës, edhe kreu i krimit të organizuar. I bëj thirrje prokurorisë t’i shkojë kësaj çështje deri në fund./ Tirana Today
