Kryetarja e Lëvizjes Socialiste për Integrim, Monika Kryemadhi, u shpreh se çizmja e hedhur kundrejt Ramës në Parlament, ishte një simbol kundër perandorisë së drogës që u ngrit nga “Rilindja”.
Kryemadhi në emisionin ‘Opinion’, shtoi se hedhje e çizmes nuk ka të bëjë fare për sa i përket raporteve personale me Ramën, por ka të bëjë me simbolikën e hedhjes së çizmes ndaj asaj diktature që po instalon Edi Rama, për të krijuar bindjen se është i paprekshëm dhe do të bëhet pikërisht ashtu siç thotë ai.
Ajo theksoi se kjo kala rëre e ngritur nga ai, do të shembet, pasi e ka ndërtuar me themele shumë të dobëta për shkak të asaj perandorie droge që ka ngritur.
