Kryetarja e LSI-së, Monika Kryemadhi tha sonte se nuk është e sigurt nëse Edi Rama do ta kandidojë Erion Veliajn në kryeqytet. E ftuar sonte në emisionin “Opinion”, Kryemadhi deklaroi se nga ngjarjet e fundit ka shumë mundësi që Rama të mos ta rikandidojë. Ajo shtoj se Rama e ka detyruar Veliajn që të dalë në emisionin “Opinion” dhe të mbrojë kullat.
Kryetarja e LSI-së kujtoi dhe shprehjen e vjetër që akuzonin Ramën, “nësë më parë ishte një votë një pallat, tani është bërë një votë një kullë”.
Kryemadhi e pranoi së në Tiranë janë bërë ndryshime me ardhjen e Erion Veliajt në krye të saj.
“Unë uroj që Edi Rama ta rikandidojë Erjon Veliajn. Nëse më parë ishte një votë një pallat, tani është bërë një votë një kullë. Kam bindjen që Veliaj është i detyruar që të pranojë ndërtimin e kullave në Tiranë. Veliaj është detyruar nga Rama që të dalë në emisionin ‘Opinin’. Duhet të jemi të sinqertë dhe te themi se kanë ndryshuar gjerat në Tiranë. Erion Veliaj ka një gjë të mirë se nuk mban lidhje të drejtpërdrejta më këta trafikantët e drogës,” deklaroi Kryemadhi.
