Kryetarja e LSI-së, Monika Kryemadhi hodhi akuza shumë të forta sonte ndaj kryeministrit Edi Rama. E ftuar sonte në emisionin “Opinion”, Kryemadhi deklaroi se Rama dhe Tahiri po përgjojnë Presidentin Meta. Ajo sqaroi se Meta nuk po përgjohet si president por si bashkëshorti i saj.
Kryemadhi ftoi të gjithë gazetarët investigativë që të hetojnë se në doganë para 5 muajsh kanë ardhur aparatura përgjimi. Kryetarja e LSI-së tha se për ketë kanë ndjeni dh agjencitë e huaja të inteligjencës.
“Edi Rama ka përgjuar Presidentin. Metën nuk e përgjon si president por si bashkëshortin tim. Dërgoni njerëz për të investiguar për aparatura përgjimi që janë blerë dhe janë shdoganuar para 4 deri 5 muajsh. Kryeministria me elementë të caktuar ka marrë aparatura përgjimi. Le ta përgjojë presidentin se nuk ka asgjë të keqe. Për mua kjo nuk është problematike. Për mua është problem 1 miliardë euro të parave kriminale që do të futen në sistem,” deklaroi Kryemadhi.
