Kryetarja e Lëvizjes Socialiste për Integrim, Monika Kryemadhi, deklaroi para pak minutash se të fillojë seanca parlamente e votimit të kreut të Kuvendit se forca politike që ajo drejton nuk do të votojë zotin Ruçi. Në një intervistë në emisionin “Kjo Javë” në “News 24” kryemadhi deklaroj se nuk do të bëhet pale dhe të legjitimoj kreun e kuvendit sepse ai është pjesë e një mazhoracë që ka ardhur në pushtet nga paratë e drogës dhe të krimit të organizuar.
Kryemadhi: Neve kemi marrë një vendim si grup parlamentar që nuk do ta votojmë zotin Ruçi, pasi nuk mund të bëhemi pjesë e një procesi për të legjitimuar një maxhorancë që ka ardhur me votat e blera nga krimi i organizuar. Këtë e shohim çdo ditë prezentë, me mënyrën se si ka funksionuar e gjithë makineria policore e qeverisë së kaluar. Dhe sidomos e qeverisë teknike po e quaj, e cila u kthye në funksion të bandave dhe krimit të organizuar.
Jo ne nuk i kemi njohur, ne i kemi denoncuar zgjedhjet. Por nuk mund të ankimosh një proces ku janë 6-1. Nuk mund të tallësh njerëzit kur sheh se 6 persona janë pro, pasi është marrëveshja. Kur ke një proces të cilin dashje padashje edhe sytë e ndërkombëtarëve u verbuan nga paraja apo shkëlqimi i ofruar nga segmente të caktuara të qeverisë shqiptare. Prezenca jonë në parlament nuk është se njohim zgjedhjet, por përfaqësojmë ato 225 mijë e 73 vota të qytetareve.
Ndër të tjera ajo foli por nisjen e një beteje të re politike në krye të një subjekti tashmë.
