Në sajë të 13-vjetorit të krijimit të LSI-së, kryetarja e kësaj force politike, bashkë me disa të rinj kanë mbjellë disa pemë në zonën e Fushës së Aviacionit në Tiranë.
Teksa foli për mediat, Kryemadhi theksoi se LSI do të bëjë një luftë frontale kundër qeverisë, e cila sipas saj, është e vogël, por me korrupsion të madh.
“225 mijë e 73 votuesit votuesit kanë qenë heronj që edhe përballë presionit dhe policisë së kriminalizuar i besuan LSI-së. Grupi parlamentar do të jetë shumë aktiv, me nisma jo vetëm në shërbim të qytetarëve por do t’i shërbejë edhe qeverisë. Kemi një qeveri të vogël por jemi të bindur që do jetë me korrupsion të madh. Lufta e LSI-së do jetë jo vetëm frontale por edhe konstruktive për të adresuar dhe zgjidhur problemet”, deklaroi Kryemadhi.
