Seanca plenare e kësaj të enjte vijoi mes tensionit dhe kaosit. Ndonëse deputetët demokratë kishin bllokuar foltoren e Kuvendit, deputetët e mazhorancës kanë vijuar me miratimin e projektligjeve.
Deputetët e PD-së dhe LSI-së kanë refuzuar të marrin fjalën për këto projektligje, ndonëse kryeparlamentari Ruçi u ka thirrur emrat.
Prej fillimit të seancës, deputetët e PD-së kanë bllokuar foltoren e Kuvendit, dhe bëjnë zhurmë duke përplasur tavolinat dhe duke thirrur “hajdut dhe kriminelë”.
Kryeministri Rama ka ndjekur nga vendi i tij këto zhvillime të tensionuara brenda sallës, por kur kryetarja e LSI-së, Monika Kryemadhi, i është bashkuar deputetëve demokratë rreth foltores, ai ka lënë sallën.
“Iku, Iku”, filluan të bërtisnin deputetët demokratë, pas largimit të kryeministrit Rama nga salla e Kuvendit.
